الطوب الحراري في السودان

يا ايها المقاولون، من ناس السيفل الفي السودان:
هنالك بعض الاتراك يصنعون الطوب الحراري في الخرطوم، وتم استخدامه من قبل الكثيرين..
ما رأيكم الفني في جودة ذلك الطوب الحراري؟

انا شخصيا استخدمتو.. ولم يعجبني ضعفه وهشاشته.. بسهلة تنكسر الطوبة، وتتدشدش..

اعتقد مواصفات الخليج افضل بكثير من ذلك المصنوع في السودان..

عايزين اراءكم الفنية يا شباب.

كتب المهندس اسامة الطيب:

المصنوع في السودان مضروب يا د سيد بدون رقابة و مواصفات للربح السريع والغش.

والله يا اسامة ما فيش مقارنة بين السوداني، والخليجي.. انا استخدمتو وبنيت بيه جزء من البيت.. لكن تاني توبة.. سوف ارجع للطوب الاحمر التقليدي.. لمتانته، رغم مشاكله الاخرى..

بس انا اعيب على المجلس الهندسي في السودان عدم تدخله لوقف هذه الجريمة.. هنالك عمارات كاملة اتبنت بهذا الطوب الحراري.. لو عايز تثبت فيشر في الحيطة، يا اتكسرت الحيطة، يا الفيشر ما شال كويس..
الا يمكن مناقشة هذا الموضوع، على امل ايقاف ما يجري من استهتار باموال وممتلكات المواطنين.. هل هذا الاستثمار من قبل الاتراك افاد السودان بشيء؟

كتب اسامة الطيب:
الأتراك في بلادهم عندهم مواصفات مثل الحديد التركي عندنا مِن المواد الجيدة في الإمارات بس لمن يجوا السودان يمارسوا الغش مع المسؤولين لانوا مافي رقابة و مافي مجلس هندسي.

يا صاحب الحوش المهجور سلامن سلاما
وينك يا زول
مسكني من الحوش التاني الجري وراء الارزاق
ف لعلكم بخير اينما كنتم
وبالله تبلغ سلامي لناس الترام

بالنسبة لموضوع الطوب الحراري
اولا...... شايفك عزلت نفسك من ناس السيفل!!!!
ده كلام؟؟؟؟؟؟
تانيا... لما شفت كلمة طوب حراري جاء في ذهني طوب العزل الحراري بالأفران بمختلف مسمياتها...... زي ما بقولو ناس الميكانيكا (ايه رايك بالله...الموضوع اصلو عزل...ف نعزل نفسنا من ناس الميكانيكا ديل)
غايتو الموضوع ما داير دراسة وكلام اسامة ده لخص ليك الموضوع.
الطوب البتقول عليهو ده استعملتو في البناء للبيت لكن بعد تمحيص شديد (مش احنا بقينا بتوع تفتيش) علي ما اذكر جبتو من مصنع شمال امدرمان وده كان احسن الموجود وبحسب ما عرفت (سماعي) بعد داك انو الجودة بتاعت المصنع بقت مش ولا بد
بالمناسبة طوبنا الاحمر الزمان داك برضو بقي مضروب
ولا اقول ليك الما بقي مضروب في السودان شنو

وينك يا مدير

الحوش المهجور ده ما ليهو حق عليك

اي...... نعم بنتاوق في الترام من وقت لاخر... لكن........

لاننا بنحب التوثيق ... سكنا هنا

و... سلام للقريبين وحتي البعاد

.

أشكرك يا الأمين على الاهتمام بهذا الموضوع. وآسف على الغياب.

لكن كدة ما جهجهتنا، لا حراري، لا طوب أحمر، لا بلوك: نقع جالوص يعني؟

والله يا اللعوته أنا فتحت الموضوع دة، وقلت جماعتنا ناس المقاولات هم الادرى، ينورونا ويفيدوا كل من يصل لهذه الصفحة. لكن الناس ملهيين بي الترام، وسرعة عجلاته، واهملوا الحوش دة خالص.

اتمنى ان أرى نقاش أكثر عمقا، من ناحية المواصفات الفنية، الجودة، الاسعار، وكيفية الضغط على أصحاب المصانع لتجويد المنتج..

أحييك، وأحيي صمودك .. انا كنت فاكر الحوش دة سحبوا منه الموية والنور.. لكن طالما انت صامد بي جاي، ما بتجيهو الحبة

السلام عليكم يا شباب ...انتو بتقصدوا شنو بالطوب الحراري؟ هل المقصود البلوك block?

عادل الحاج والله سلام.....
ياخي والله انا وسيد قاعدين نلعب في الحوش ده دافوري لما فترنا
وعشان نحلي اللعب مرات سيد بدخل باسمو (سيد الحلبي)
ومرات بدخل ك ادمن..... شفت اللعب علي اصولو كيف

المهم يا زول (الطوب الحراري) ده تسمية ناس السودان ال كل شي مدينو اسم مشاتر
هنا بنقصد الطوب المصنع آليا للتقفيل وبيادي نفس وظيفة الطوب الاحمر التقليدي

بمعني آخر هو البلوك (بس ما اسمنتي) مصنع من Clay

Sayed Ahmed Hussein كتب: لكن كدة ما جهجهتنا، لا حراري، لا طوب أحمر، لا بلوك: نقع جالوص يعني؟

في السودان ما ح تقدر تغمض عينيك

Sayed Ahmed Hussein كتب: أحييك، وأحيي صمودك .. انا كنت فاكر الحوش دة سحبوا منه الموية والنور.. لكن طالما انت صامد بي جاي، ما بتجيهو الحبة

طبعا لو الناس التزمو وعدد الكلكات زادت ممكن جدا الموقع ده يجيب دخل للصندوق الخيري من دعايات نمشي دي

نسبة لفقدان البيانات تم تغيير اسم الدخول ل ود الشيخD [/quote]

For me it is very important to have building materials with high heat resistance. .so as to reduce the heat transfer through the walls..which will be good effect for HVAC system and save energy. ..although if we add insulation. .and use triple Glazing glass...It will be the optimum...With heat recovery system...This follows ASHRAE